@diaryabs

適逢最近係Nude story開業3週年全店88折，想同大家分享一啲我用過嘅產品，都可以趁有折入手試下（我都趁今次買咗啲嘢～） P.S.以下資料參考官網，均為自購分享

1.有機橙花純露（原價：$120）
我之前都用咗兩年其他牌子嘅花水，俾我一個花水唔係太保濕嘅印象，用做爽膚水個功能性唔算太強。

但係呢枝橙花純露我幾鍾意，佢主要係有平衡油脂、收斂毛孔同溫和美白，呢三方面我都覺得有啲效用。我有時會係搽完cream之後覺得塊面有啲笠嘅時候再噴一次，因為我戴眼罩瞓覺，如果太笠就會導致生粒粒，用完花水就無呢個問題，而且到朝早到唔會乾，噴完個狀態好舒服，陣味好fresh！

推介使用：油性肌膚

2.白玫瑰純物理防曬乳液（原價：$298）
我一直想搵啱我用嘅物理防曬，但係用物理防曬唔係容易泛白，就係個texture搽得好唔舒服，而且我搽防曬會容易出油，所以真係好難揀。

之前成日聽人講話Nude Story防曬好用，趁住Anessa用剩少少就買咗嚟試，可以話係我用過嘅防曬裡面最鍾意嘅一枝。我自己唔係好鍾意搽防曬嘅個種感覺，但係搽呢枝係完全適應！好似搽乳液咁，而且有陣玫瑰味，使用感受好好，我唔會排斥用佢（有同我一樣討厭防曬嘅朋友都可以試😂以前真係明知防曬好重要但真係唔鍾意搽...） 搽完佢之後上妝係完全無問題，就算唔用妝前都OK，唔影響妝感，都唔會加速出油，唯一係防曬度數得spf30 PA+++，日常返工無問題，但長時間係戶外可能要補搽或者用高防曬系數嘅產品。

不過最近成日戴口罩，我淨係搽係露出嚟嘅地方，唔知半年用唔用得曬...😢 /
推介使用：所有膚質

3.有機甜玫瑰天竺葵護唇膏（原價：$58）
因為DHC連續用會有啲免疫，所以我就買咗呢枝嚟試，一開始唔係咁鍾意，成日食到，然後就覺得陣味怪怪地（聞係舒服，但食係另一種感覺）使用上都覺得無DHC咁厚咁潤，前排我嘴乾到痛同起皮嘅時候個作用都唔算太有幫助。

但連續用咗一排之後我又改觀咗喎，用用下覺得幾好用， 佢對修飾唇紋有幫助。加上呢排戴口罩，佢嘅texture好啱用，完全唔會癡住個口罩，而且我戴住口罩個幾個鐘都係一樣咁保濕。

夜晚可能都係要用啲厚身啲嘅潤唇膏，咁嘴唇狀態會好啲，佢唔算係好潤身嘅護唇膏，但係質地薄身啲之餘都幾有濕潤感，加上呢個質地做搽唇膏之前嘅打底應該幾適合（不過我好耐無搽過唇膏...）Anyway我之後用完呢枝可能都會回購

順帶一提，因為產品都係不含防腐劑，大部分都係得半年保質期，所以都唔好話趁住減價大量囤貨，買夠自己用到嘅量就好。我仲有用緊玫瑰洗面奶，不過用得唔耐，所以遲下再review。

雖然呢排又多咗唔買得嘅牌子，但係都好多好用嘅香港品牌，仲有好多選擇嘅✌️鍾意嘅話可以俾個❤️我，亦可以留言或者dm我分享你嘅心得