@diaryabs

之前用完freeplus，對溫和嘅潔面產品幾有好感，又對Nude story幾有好感就買咗呢枝洗面奶嚟用。

價錢/容量：$248/150ml
已用量：三月中購入，直至今日已用了一半

一開始用落真係幾唔慣，t字位洗完都仲係有啲油咁，對混油肌嘅我嚟講真係好溫和，我發現我唔可以單用呢枝之後，問咗店主意見之後趁周年慶買多咗枝洗面泡泡（下次講）

最近皮膚水油平衡咗啲，因為調整咗使用嘅skincare products，加上可能因為洗面產品都無過份清潔塊面，咁我就鍾意呢枝洗面奶多咗啦（如果唔確定啱唔啱自己，可以向店主查詢先😂） 首先，我好鍾意佢陣味，係好舒服嘅玫瑰花味🌹其二佢好溫和，朝早起身出油嘅時候唔多用嚟洗面超級舒緩，成個感覺都好放鬆，洗完又唔會覺得好乾，但感覺係乾淨。

佢係磨砂玻璃樽同泵頭嘅設計，我估計用到最後可能有啲啲難唧出嚟，不過我未到嗰個階段我都係覺得唧出嚟好方便😂而且透明樽可以睇得出用淨幾多。

雖然我真係幾鍾意佢，但都稍嫌有啲貴，加上對我嚟講用佢仲要配搭多一枝清潔力強啲嘅洗面產品夜晚用。但如果你係想要一枝舒緩肌膚嘅洗面產品，呢枝真係幾正！