Smart Tips: Register for our Free Membership|earn point every purchase

@as.beautyrelated

@as.beautyrelated

遇上超級喜愛的物理性防曬和卸妝產品?!保濕精華效果又如何?如果對有機天然護膚品有興趣嘅話必睇😻(#麻煩睇之前幫手like張相啊)————————————————

☞法國白玫瑰強效保濕精華 (HK$368/30ml)有效成份:◆ ECOCERT有機認證法國白玫瑰純露 ◆ 海藻糖 ◆ 海藻精華萃取液 ◆高濃度透明質酸呢款主打保濕精華好適合我偏乾嘅肌膚使用。首先我好鐘意佢個質地夠lightweight,推開後有少少爆水嘅感覺,保濕得嚟清爽唔笠,又容易比皮膚吸收。保濕力方面,我覺得而家呢個天氣朝早單用佢保濕度係足夠的,不過因為夜晚開住冷氣瞓教 皮膚比較容易被抽乾水份,所以夜晚單用呢支精華就覺得爭咁啲。除此之外,我好鍾意佢帶有陣好天然嘅玫瑰香味,一啲都唔會俗~ 不過手頭上仲有幾支精華未開,暫時就唔會回購住啦。—————————

☞白玫瑰純物理防曬乳液SPF30 PA+++ (HK$298/ 35ml)有效成份:◆ ECOCERT有機認證法國白玫瑰純露 ◆ 20% 氧化鋅Zinc Oxide(ZnO) ◆有機白芒花籽油 ◆ 積雪草萃取〈近期大愛的防曬〉十分鐘意同推介呢支物理性防曬俾大家試!!佢吱出嚟係白色乳液狀,好水潤透薄而且好容易係推開!搽上面似係搽咗護膚品嘅輕微存在感,但係算清爽亦唔會笠!係面上嘅感覺好舒服♡ 而且佢嘅保濕度亦都好足夠,朝早會直接 skip咗日霜就咁用佢,佢唔會同我其他用緊嘅護膚品或底妝打交/起擦子膠碎,同埋之後上粉底都一樣好貼😚 用咗一段時間佢都冇令我生粒粒,全日落嚟亦都唔會有出油情況!不過岩岩搽完佢上面膚色會比原先白咗少少,但過咗一陣之後就唔會出現泛白/色差嘅問題。防曬度數方面,我覺得係足夠日常使用,但係戶外嘅話我會prefer防曬度數再高少少。.總括嚟講,呢款主打有機天然嘅物理性防曬真係好好用!我諗如果唔係因為佢每件產品都係新鮮製造,最多只可保存6個月或者開封後3-4個月就要用完嘅話,絕對會囤貨!同我一樣怕搽防曬笠/焗住皮膚導致生粒粒嘅朋友可以試下NS!但係用完記得用返卸妝產品٩( 'ω' )و—————————

☞淨化排毒卸妝潔膚霜 (HK$180/65g)有效成份:◆ 有機玫瑰浸泡橄欖油◆ 有機杜松果精油◆ 真正高山薰衣草純精油◆ 有機乳木果脂我稱佢為「令人期待卸妝環節嘅產品」,用完會令人不自覺地WOW一聲。首先佢帶有陣好香嘅精油味,化完成日裝返屋企用呢款卸妝膏去按摩塊面,成個人都會好放鬆。而且卸妝能力好好又唔乾,除咗比較防水防油嘅睫毛高膏可能需要用到眼唇卸妝液產品幫手之外,其他化妝品都輕易卸乾淨!洗完面亦都唔會感覺有層膜係塊面上。So far用咗咁多次冇令我爆粒粒,反而越用越感受到可以做到減少粉刺嘅效果,但去水腫呢個功能就仲未體驗到。不過令我覺得驚喜嘅係因為入面增加嘅植物油同乳木果脂成份,所以當得每次用完呢款卸妝膏後塊面摸落都會變得超級柔軟~~真係一款好有驚喜好值得嘗試嘅產品!!! 唯一可惜係佢容量比較少(得65g) ,日日用會好快用哂,如果NS可以出容量多D嘅卸妝膏就好啦。————————————————

總結:今次新購入呢三款產品都好啱我皮膚用💗 尤其是係防曬同埋卸妝膏會有種令我即刻想回購嘅衝動!真係好值得試 (๑˃̵ᴗ˂̵) 希望今次嘅分享可以幫到你哋♡ ♡

同類別


標籤相關