@ming.sharing

꧁𝐍𝐮𝐝𝐞𝐬𝐭𝐨𝐫𝐲 𝐡𝐚𝐮𝐥꧂
襯住佢哋周年慶88折掃咗一堆野包括$888嘅福袋佢會根據你膚質需求去執 冇垃圾 絕對物超所值🥺💛仲有回購咗empty過4盒嘅卸妝膏同埋佢滿$988加$68就加價到嘅b3抗敏精華

☞︎淨化排毒卸妝潔膚霜💆🏻‍♀️
呢個大推！！！！用過翻唔到轉頭 一用翻其他卸妝產品eg farmacy banilaco biore都係會翻翻去ns嘅懷抱 雖然farmacy冇咁油膩 清爽啲乳化快啲但ns佢最大優點係用完佢真係會少咗黑頭 皮膚真係會好咗 乾淨咗 又唔乾 真正做到卸妝同時護膚 尤其係戴口罩期間 生好多黑頭粉刺 只要我日日都有ns卸妝都會洗走啲 就算懶好少清黑頭敷deep clean mask啲黑頭都冇多過 我之前係清少一個禮拜個鼻就勁多黑頭密密麻麻🥲 單係呢點已經足夠令我一生用ns而且ns卸妝力都好強 乾手乾面挖一大勺慢慢按摩再乳化過水好方便快捷卸除底妝 眼妝我多數都係會分開落 因為我啲眼影有閃粒驚就會捽會捽唔乾淨 不過試過去旅行懶得帶眼唇卸妝液單用佢都卸得乾淨🥳

☞︎抗敏B3(5%)分子酊複合精華☔️
佢除咗陣味有啲臭之外冇缺點 不過都證明佢係真材實料冇落香料有機天然 真係用完冇再生暗粒粉刺 仲好似幫到啲即將爆嘅暗瘡消到 之前唔戴口罩嘅話我完全唔會買呢啲維穩性產品 但戴咗就嚟兩年搞到皮膚開始勁唔穩定 尤其是轉季 會爆一兩粒暗瘡同暗粒 心諗廿歲人先嚟青青期咩🤢🤢 依架有佢看門口我放心晒

最後$888嘅福袋內容價值$1611😂😂😂😂😂抵到傻🤩
☞︎法國白玫瑰強效保濕精華🌹
好好好正 真係我用過最保濕嘅精華 真係feel到貴野唔同啲 用完捱夜第二朝面都冇黃 佢真係提亮到我用左一個禮拜都覺得有白咗啲 痘印都有淡到 前排生咗粒勁大嘅痘痘 佢消完個印仲係到 我勁驚佢成為我第一個嘅暗瘡印 好彩依架加佢已經加速淡化到就嚟消失 化完粉底唔特登遮都唔覺眼 同埋唔知係咪同時用佢加精華油 皮膚保濕有光澤咗 依架鳩用咩粉底都覺得好好用好貼服😂😂 帶妝十幾個鐘都冇點氧化到 反而勁奶油肌 我懷疑係因為轉咗呢set護膚品 保濕到位就唔會出油 減慢出油自然冇氧化 我乾肌用shuuemura unlimited 出名乾都覺勁好用勁貼妝😆我覺得都係有賴佢嘅功勞

☞︎青春面部精華油🧏🏻‍♀️
佢有幾隻用法 我揀咗搽cream後 滴幾滴係手心按摩塊面 鎖緊水份 呢一步真係將我成個skincare routine昇華嘅關鍵！！！even我用緊平價保水能力一般嘅cream eg nivea藍罐/roundlab lotion 佢都可以令保水能力發揮至極致 鎖緊肌膚水份 同時feel到一路按摩 之前搽嘅精華乳液全部都吸收晒 好治癒好舒服 按摩完塊面係唔笠 所有護膚品嘅營養吸收晒 成塊面勁有光澤😍✨乾肌夢寐以求嘅水光肌get ✔︎(•̀ᴗ•́)و

☞︎有機甜橙潤唇膏🍊💄
真係好潤 又唔會搽完豬油膏咁 去到唇紋 我本身麻麻地橙味嘅野 但呢隻橙味我又出奇地接受到 可能因為佢唔係化學人工個隻橙味 真係橙提煉出嚟嘅味 同埋我易生唇瘡 唔敢亂用潤唇膏 但佢係有機所以我先敢放心使用 敏感唇認可✅

☞︎摩洛哥火岩泥毛孔淨化清潔面膜套裝☄️
之前試過粉紅色個隻覺得清潔力一般 始終係design for dry skin mild啲 但今次呢隻真係堅野 好正 我終於搵到命定嘅deep clean clay mask‼️用過glamglow origins swisse都剩係吸油一係就勁拿勁乾 glamglow 刺激到我標眼水！完全唔明點解有咁多人吹捧佢 但今次終於冇中伏 呢隻真係勁好用😭😭😭敷完洗走佢真係成塊面乾淨晒 毛孔啲污糟野洗走晒 唔洗特別針清 啲黑頭粉刺都洗走8成🥸當然你唔好expect有泥mask可以一次過洗走晒所有嘅黑頭 始終啲污糟野都係日積月累落嚟 keep住一個禮拜用一次皮膚會慢慢好的🤪 不過佢唯一缺點係要自己溝 最煩都係個份量好難拿捏得好 因為一茶匙嘅份量好難捉摸 我有時唔小心溝得太乾 有時又太濕 有時又溝多咗敷到兩個人嘅份量 晒咗😩 建議店主可以出埋個專用溝面膜粉嘅匙羹 方便顧客攞份量更準確自然就事半功倍🤩

☞︎白玫瑰極潤保濕面膜
雖然佢單價賣$58但真係我敷過功效最顯著嘅paper mask 首先佢面膜紙勁貼薄 設計都好難得係貼到我臉形五官都岩位 呢點真係好難🤯🤯唔知點解其他paper mask 都同我五觀不合心諗我係咪啲五官生得太奇特 呢個我敷住都可以unlock到face id😂 遠睇都睇唔出我敷緊mask 而且佢敷完真係有效即時保濕提亮膚色 最癲係嘅個效果維持到3-4日 敷一次抵3-4日唔洗敷mask $58我覺得值得 間唔中要treat myself better/有big day要影相都會敷下佢😝 同埋佢隻玫瑰味真係好正好香 敷個陣完全係享受 🧖🏻‍♀️🌹

順帶一提 呢間鋪係黃店不得止所有野都係有機 純天然無添加無防腐劑無酒精仲係non-animal testing 敏感肌濕疹人士福音🥂 不過保質期都短 一旦開封就記得要勤力啲用 盡快用晒佢唔好晒呀(ง'̀-'́)ง