Smart Tips: Register for our Free Membership｜earn point every purchase

@_herine

@_herine
綠泥排毒淨肌深層清潔面膜
.
第一次用呢種要自己溝嘅深層清潔面膜🤔已經用咗五六次可以講講用後感了😗佢一set有step 1綠泥面膜粉，同埋step 2調理液，各兩茶匙嘅份量溝埋就敷得。我又油又生暗瘡所以揀咗綠泥，佢仲有摩洛哥泥係俾普通油至中性肌，粉紅泥for敏感/乾肌人用。
.
呢款溝完之後其實有少少似the body shop嘅竹炭mask嘅幼細版🧐同樣都係會收乾水吸油嗰種，敷耐咗會開始拉緊皮膚，泥狀嘅mask會開始變乾變色，鼻上嘅油脂會一點點咁吸咗喺mask裏面，洗嗰陣用暖濕毛巾慢慢打圈抹就可以了。敷完之後大部分油脂已經被吸走，粉刺都浮晒上黎😌之後用消毒咗嘅黑頭針(推皮嗰邊)輕輕推出，再用棉球濕少少爽膚水輕輕喺毛孔位打圈捽，確保所有污糟嘢已經清走晒，最後就敷返個保濕mask保濕收毛孔😗
.
雖然佢收乾水嗰陣真係扯到皮膚好緊，但洗完唔覺得乾，我諗係因為調理液裏面有幾種護膚油成分，但神奇嘅係又唔會覺得油潤😂我覺得佢清潔力未到好勁，body shop同glamglow再勁啲同時再harsh啲，所以嗰兩款一星期最多用一次，而呢款綠泥就keep住一星期用兩次效果會最好！同埋敷完之後嗰日，有膿嘅暗瘡好似易啲謝🤔
.
總結就係唔怕麻煩要自己溝，想搵一款冇咁harsh但又吸到油有唔錯嘅清潔力嘅深層清潔面膜可以考慮下呢隻綠泥😗

同類別

標籤相關

Back to Recommend